Քրեական պալատ

Աշխատակազմ

Դատավորներ

Պալատի նախագահ ։ Համլետ Նորիկի Ասատրյան

image

Ծնվել է 1968 թվականին Երևան քաղաքում։

 

Կրթություն

 

1993 թվականին ավարտել է ԵՊՀ իրավաբանական ֆակուլտետը։

 

Աշխատանքային փորձ

 

1985 թվականից մինչև 1986 թվականն աշխատել է Մյասնիկյանի շրջանի ժողդատարանում՝ որպես ցրիչ։

1988 թվականից մինչև 1991 թվականն աշխատել է Մյասնիկյանի շրջանի ժողդատարանում՝ որպես թարգման։

1991 թվականից մինչև 1993 թվականն աշխատել է Մյասնիկյանի շրջանի ժողդատարանում՝ որպես դատական կատարածու։

1993 թվականից մինչև 1995 թվականն աշխատել է Մյասնիկյանի շրջանի Ներքին գործերի բաժնի քննչական բաժանմունքում՝ որպես քննիչ։

1995 թվականից մինչև 1996 թվականն աշխատել է ՀՀ արդարադատության նախարարության վիճակագրական խմբում՝ որպես առաջատար խորհրդատու։

1996 թվականից մինչև 1998 թվականն աշխատել է ՀՀ արդարադատության նախարարության դատական մարմինների վարչությունում՝ որպես առաջատար խորհրդատու։

1998 թվականից մինչև 1999 թվականն աշխատել է Արդարադատության խորհրդի աշխատակազմում՝ որպես գլխավոր մասնագետ։

1999 թվականից մինչև 2001 թվականն աշխատել է Երևան քաղաքի Մալաթիա-Սեբաստիա համայնքի առաջին ատյանի դատարանի դատավոր։

2001 թվականից մինչև 2003 թվականն աշխատել է ՀՀ քրեական և զինվորական գործերով վերաքննիչ դատարանի դատավոր։

2003 թվականից մինչև 2008 թվականն աշխատել է ՀՀ վճռաբեկ դատարանի քրեական պալատի դատավոր։

2008 թվականի հունվարի 1-ից մինչև 2009 թվականն աշխատել է ՀՀ վերաքննիչ քրեական դատարանի դատավոր:

2009 թվականի հունվարի 15-ին ՀՀ նախագահի հրամանագրով նշանակվել է ՀՀ վճռաբեկ դատարանի քրեական պալատի դատավոր։

Բարձրագույն դատական խորհրդի 2021 թվականի փետրվարի 15-ի ԲԴԽ-7-Ո-8 որոշմամբ ներկայացված առաջարկությամբ՝ ՀՀ նախագահի 2021 թվականի փետրվարի 18-ի հրամանագրով նշանակվել է ՀՀ վճռաբեկ դատարանի քրեական պալատի նախագահ՝ 6 տարի ժամկետով:

 

Այլ տեղեկություններ

 

1986 թվականից մինչև 1988 թվականը ծառայել է ԽՍՀՄ սահմանապահ զորքերում:

2009 թվականից դասավանդել է Դատական դպրոցում, 2014 թվականից՝ Արդարադատության ակադեմիայում,

2014 թվականի սեպտեմբերի 18-ին ՀՀ նախագահի հրամանագրով, Հայաստանի Հանրապետության Անկախության տոնի առթիվ, դատական համակարգի զարգացման գործում ներդրած ավանդի համար պարգևատրվել է Մխիթար Գոշի մեդալով:

2014 և 2017 թվականներին ՀՀ դատավորների ընդհանուր ժողովի կողմից ընտրվել է Արդարադատության ակադեմիայի կառավարման խորհրդի անդամ,

2017 թվականից դասավանդում է Փաստաբանական դպրոցում, 2020 թվականից Փաստաբանների պալատի որակավորման հանձնաժողովի անդամ է,

2018 թվականից Ներման հարցերի քննարկման խորհրդակցական հանձնաժողովի անդամ է:

2020 թվականի հուլիսի 31-ին ՀՀ դատավորների ընդհանուր ժողովի կողմից ընտրվել է Ուսումնական հարցերի հանձնաժողովի անդամ՝ 4 տարի ժամկետով:

2023թ. հուլիսի 6-ին՝ Վճռաբեկ դատարանի կազմավորման 25-ամյակի կապակցությամբ, օրինականության և իրավակարգի ամրապնդման գործում ունեցած վաստակի համար Հ. Ասատրյանին շնորհվել է Հայաստանի Հանրապետության վաստակավոր իրավաբանի պատվավոր կոչում:

Կոնտակտային տվյալ

h.asatryan@court.am

Լիլիթ Զելիմի Թադևոսյան

image

Ծնվել է 1978 թվականին՝ Երևան քաղաքում:

 

Կրթություն.

 

1993 թվականին ոսկե մեդալով ավարտել է Երևանի թիվ 182 ռուսական միջնակարգ դպրոցը։

 

1998 թվականին գերազանցության դիպլոմով ավարտել է Երևանի պետական համալսարանի իրավաբանական ֆակուլտետը։ Նույն թվականին ընդունվել և 2001 թվականին ավարտել է Երևանի պետական համալսարանի ասպիրանտուրան:

 

2001 թվականին Երևանի պետական համալսարանի գիտական խորհրդում պաշտպանել է թեկնածուական ատենախոսություն և նրան շնորհվել է իրավաբանական գիտությունների թեկնածուի գիտական աստիճան:

 

2006 թվականից մինչև 2010 թվականը հանդիսացել է Ռուսաստանի Դաշնության ՆԳՆ Մոսկվայի պետական համալսարանի դոկտորանտ:

 

2010 թվականին նույն համալսարանի գիտական խորհրդում պաշտպանել է դոկտորական ատենախոսություն, և Ռուսաստանի Դաշնության բարձրագույն որակավորման հանձնաժողովի կողմից նրան շնորհվել է իրավաբանական գիտությունների դոկտորի գիտական աստիճան:

 

Իրավաբանական գիտությունների թեկնածուի դիպլոմը հավաստագրվել է Ռուսաստանի Դաշնության կրթության և գիտության ոլորտում հսկողության դաշնային ծառայության կողմից, իսկ իրավաբանական գիտությունների դոկտորի դիպլոմը՝ Հայաստանի Հանրապետության բարձրագույն որակավորման հանձնաժողովի կողմից:

 

Հայ-ռուսական (Սլավոնական) համալսարանի գիտական խորհրդի 2017թ. փետրվարի 17-ի որոշմամբ Լ․Թադևոսյանին շնորհվել է պրոֆեսորի գիտական կոչում:

 

Աշխատանքային փորձ.

 

1998 թվականից մինչև 2012 թվականի հունիս ամիսն աշխատել է Հայաստանի Հանրապետության դատախազության համակարգում,

 

12.1998թ. մինչև 01.1999թ. - Երևան քաղաքի Էրեբունի վարչական շրջանի դատախազության ստաժոր-քննիչ,

 

01.1999թ. մինչև 04.2001թ. - Երևան քաղաքի Էրեբունի և Նուբարաշեն համայնքների դատախազության քննիչ,

 

04.2001թ. մինչև 11.2004թ. - նույն դատախազության ավագ քննիչ,

 

11.2004թ. մինչև 05.2006թ. - Երևան քաղաքի Էրեբունի և Նուբարաշեն համայնքների դատախազի օգնական,

 

05.2006թ. մինչև 11.2007թ. - Հայաստանի Հանրապետության գլխավոր դատախազության դատարաններում քրեական գործերով մեղադրանքի պաշտպանության վարչության դատախազ,

 

11.2007թ. մինչև 10.2011թ. - Հայաստանի Հանրապետության գլխավոր դատախազության կոռուպցիոն և կազմակերպված հանցագործությունների գործերով վարչության դատախազ,

 

10.2011թ. մինչև 30.06.2012թ. - նույն վարչության ավագ դատախազ:

 

Հանդիսացել է Հայաստանի Հանրապետության գլխավոր դատախազության գիտամեթոդական խորհրդի անդամ:

 

1998 թվականից, համատեղության կարգով, զբաղվում է գիտամանկավարժական գործունեությամբ, դասավանդում է Երևանի պետական համալսարանի իրավաբանական ֆակուլտետում և Հայ-ռուսական համալսարանի Իրավունքի և քաղաքականության ինստիտուտում։

 

Դասավանդել է նաև «Դատախազության դպրոց» ՊՈԱԿ-ում:

 

Լ․Թադևոսյանը հանդիսանում է Երևանի պետական համալսարանում գործող` Բարձրագույն որակավորման կոմիտեի իրավագիտության մասնագիտական խորհրդի և Հայ-ռուսական համալսարանում գործող` Բարձրագույն որակավորման կոմիտեի իրավագիտության մասնագիտական խորհրդի անդամ։

 

Հայ-ռուսական համալսարանի Իրավունքի և քաղաքականության ինստիտուտի գիտական խորհրդի անդամ է:

 

2012 թվականի հունիսի 30-ին Հայաստանի Հանրապետության Նախագահի հրամանագրով նշանակվել է Հայաստանի Հանրապետության վերաքննիչ քրեական դատարանի դատավոր:

 

2016 թվականի սեպտեմբերի 22-ին Հայաստանի Հանրապետության Նախագահի հրամանագրով նշանակվել է Հայաստանի Հանրապետության վճռաբեկ դատարանի քրեական պալատի դատավոր:

 

Բարձրագույն դատական խորհրդի 2018 թվականի հուլիսի 12-ի որոշմամբ ներկայացված առաջարկությամբ՝ Հայաստանի Հանրապետության Նախագահի՝ 2018 թվականի հուլիսի 20-ի հրամանագրով նշանակվել է Հայաստանի Հանրապետության վճռաբեկ դատարանի քրեական պալատի նախագահ:

 

2021 թվականի փետրվարի 9-ին Հայաստանի Հանրապետության Ազգային ժողովի կողմից ընտրվել է ՀՀ Վճռաբեկ դատարանի նախագահ:

 

Այլ տեղեկություններ.

 

Լ․Թադևոսյանը հեղինակ է 70-ից ավել գիտական աշխատությունների` հրապարակված Հայաստանի Հանրապետությունում և Ռուսաստանի Դաշնությունում, այդ թվում՝ 6 մենագրության։ Ռուսաստանի Դաշնության Մոսկվա քաղաքում հրատարակված՝ քրեական իրավունքի դասագրքի համահեղինակ է:

 

2003 թվականին վերապատրաստվել է Սանկտ-Պետերբուրգի պետական համալսարանի՝ կազմակերպված հանցավորության և կոռուպցիայի հետազոտման կենտրոնում, իսկ 2005 թվականին` նույն համալսարանի քրեական իրավունքի և կրիմինալոգիայի երիտասարդ դասախոսների Պետերբուրգյան դպրոցում, ստացել համապատասխան հավաստագրեր: Մասնակցել է փորձի փոխանակման և վերապատրաստման դասընթացների, բազմաթիվ միջազգային գիտաժողովների (Հունգարիա, Եգիպտոս, Ռուսաստանի Դաշնություն, Վրաստան, Ամերիկայի Միացյալ Նահանգներ, Չեխիա, Գերմանիա):

 

2007 թվականին պարգևատրվել է «Ֆրիտյոֆ Նանսեն» ոսկե հուշամեդալով։

 

Դատախազության մարմիններում ծառայողական պարտականությունները բարեխղճորեն կատարելու համար 2012 թվականին Հայաստանի Հանրապետության վարչապետի կողմից խրախուսվել է շնորհակալագրով, բազմիցս պարգևատրվել և խրախուսվել է Հայաստանի Հանրապետության գլխավոր դատախազի հրամաններով։

 

Իրավագիտության ոլորտում և դատական իշխանության զարգացման գործում ներդրած ավանդի համար Հայաստանի Հանրապետության Նախագահի՝ 2020 թվականի մայիսի 26-ի հրամանագրով պարգևատրվել է Մխիթար Գոշի մեդալով։

 

Իրավագիտության զարգացման և իրավակարգի ու օրինականության ամրապնդման գործում ունեցած վաստակի համար Հայաստանի Հանրապետության նախագահի՝ 2021 թվականի սեպտեմբերի 17-ի հրամանագրով շնորհվել է Հայաստանի Հանրապետության վաստակավոր իրավաբանի պատվավոր կոչում:

2023թ. հուլիսի 6-ին՝ Վճռաբեկ դատարանի կազմավորման 25-ամյակի կապակցությամբ երկարամյա անբասիր գործունեության համար  Լ. Թադեւոսյանը պարգևատրվել է «Հայրենիքին մատուցած ծառայությունների համար» 2-րդ աստիճանի մեդալով:

Կոնտակտային տվյալ

l.tadevosyan@court.am

Արթուր Վլադիմիրի Պողոսյան

image

Ծնվել է 1964 թվականին քաղաք Կիրովաբադ քաղաքում։

 

Կրթություն

1992 թվականին ավարտել է Ուկրաինայի Ներքին գործերի ակադեմիան։

 

Աշխատանքային փորձ

1992 թվականից մինչև 1995 թվականն աշխատել է Գերագույն խորհուրդում՝ որպես գ‎լխավոր փորձագետ։

1995 թվականից մինչև 1999 թվականն աշխատել է ՀՀ Ազգային ժողովում՝ որպես խորհրդատու։

1999 թվականից մինչև 2001 թվականն աշխատել է Կոտայքի մարզի Առաջին ատյանի դատարանում՝ որպես դատավոր։

2001 թվականից մինչև 2009 թվականն աշխատել է ՀՀ վերաքննիչ քրեական դատարանի դատավոր:

2009 թվականի հունվարի 15-ին ՀՀ Նախագահի հրամանագրով նշանակվել է ՀՀ վճռաբեկ դատարանի քրեական պալատի դատավոր:

2023թ. հուլիսի 6-ին՝ Վճռաբեկ դատարանի կազմավորման 25-ամյակի կապակցությամբ, իրավակարգի ու օրինականության ամրապնդման և դատական իշխանության զարգացման գործում ներդրած ավանդի համար  պարգևատրվել է Մխիթար Գոշի մեդալով:

Կոնտակտային տվյալ

a.poghosyan@court.am

 

 

 

 

Սերժիկ Սերգեյի Ավետիսյան

image

 

Ծնվել է 1966 թվականին, Տաշիրի շրջանում։

 

Կրթություն

1983 թվականին ընդունվել է Երևանի պետական համալսարանի մեխանիկա-մաթեմատիկական ֆակուլտետ:

1986 թվականին ընդունվել է ԽՍՀՄ-ի Պաշտպանության նախարարության Կարմրադրոշ ռազմական ինստիտուտի ռազմաիրավաբանական ֆակուլտետ (ք. Մոսկվա), և 1991 թվականին գերազանցությամբ ավարտել է:

2005 թվականի մարտի 31-ին ՌԴ Արդարադատության նախարարության Ռուսաստանյան իրավական ակադեմիայի մասնագիտական խորհրդում, քրեական իրավունքի բնագավառում պաշտպանել է դոկտորական թեզը, ունի Ռուսաստանի և Հայաստանի իրավաբանական գիտությունների դոկտորի գիտական աստիճան:

Հայաստանի Հանրապետության կառավարությանն առընթեր Բարձրագույն որակավորման հանձնաժողովի 2008 թվականի հունիսի 26-ի որոշմամբ շնորհվել է պրոֆեսորի գիտական կոչում` «իրավաբանություն» մասնագիտությամբ:

Հայ-ռուսական համալսարանի գիտական խորհրդի 2011 թվականի սեպտեմբերի 6-ի որոշմամբ շնորհվել է «համալսարանի վաստակավոր պրոֆեսորի կոչում»:

 

Աշխատանքային փորձ

ԽՍՀՄ Նախագահի 1991 թվականի օգոստոսի 4-ի հրամանագրով նշանակվել է Անդրկովկասյան օկրուգի Հայաստանում տեղակայված 7-րդ բանակի 59-րդ զինվորական տրիբունալի դատավոր:

 

1995 թվականի ապրիլի 26-ին Հայաստանի Գերագույն Խորհրդի կողմից ընտրվել է Գերագույն դատարանի զինվորական գործերի դատական կոլեգիայի դատավոր:

 

Հայաստանի Հանրապետության Նախագահի 1997 թվականի օգոստոսի 15-ի հրամանագրով նշանակվել է Գերագույն դատարանի զինվորական գործերի դատական կոլեգիայի նախագահ` Հայաստանի Հանրապետության գերագույն դատարանի նախագահի տեղակալ, 1997 թվականի դեկտեմբերի 18-ի հրամանագրով՝ նաև Գերագույն դատարանի նախագահության անդամ:

 

Հայաստանի Հանրապետության գերագույն դատարանի լուծարման կապակցությամբ 1998 թվականի օգոստոսից կատարել է Հայաստանի Հանրապետության արդարադատության նախարարության վերահսկողական ծառայության պետի ժամանակավոր պարտականությունները:

 

Հայաստանի Հանրապետության Նախագահի 1999 թվականի հունվարի 5-ի հրամանագրով նշանակվել է Հայաստանի Հանրապետության վերաքննիչ քրեական և զինվորական գործերով դատարանի դատավոր:

 

Հայաստանի Հանրապետության Նախագահի 2012 թվականի հունիսի 20-ի հրամանագրով նշանակվել է Հայաստանի Հանրապետության վճռաբեկ դատարանի քրեական պալատի դատավոր։

 

2016 թվականից մինչև 2018 թվականը զբաղեցրել է Հայաստանի Հանրապետության վճռաբեկ դատարանի քրեական պալատի նախագահի պաշտոնը, այժմ նույն դատարանում պաշտոնավարում է որպես դատավոր։

 

1999 թվականից մինչև 2004 թվականն եղել է Հայաստանի Հանրապետության արդարադատության խորհրդի անդամ:

 

1995 թվականից զբաղվում է գիտամանկավարժական գործունեությամբ: Դասավանդել է Երևանի պետական համալսարանում, Կառավարման ակադեմիայում և այլ բուհերում: 2004 թվականից դասավանդում է Հայ-ռուսական համալսարանում:

 

1998 թվականին Երևանի պետական համալսարանում պաշտպանել է թեկնածուական թեզ` կապված Հայաստանի քրեական իրավունքի զինվորական ասպեկտների համալիր հետազոտման և նոր զինվորական հանցագործությունների տեսական մոդելի մշակման ու ներկայացման հետ:

 

2016 թվականին նշանակվել է «Կրիմինալիստների և կրիմինոլոգների միություն» տարածաշրջանային հասարակական կազմակերպության Հայաստանի ներկայացուցչության նախագահ:

 

Այլ տեղեկություններ

Առաջին կուրսն ավարտելուց հետո 1984 թվականին զորակոչվել է ժամկետային զինվորական ծառայության:

 

1993 թվականից զինվորական ծառայությունը շարունակել է Հայաստանի Հանրապետության պաշտպանության նախարարության պայմանագրերի և արտաքին հարաբերությունների վարչությունում՝ որպես խմբի սպա, ավագ սպա, բաժանմունքի պետ (ունի պահեստի արդարադատության փոխգնդապետի զինվորական կոչում):

 

Հայաստանի Հանրապետության Նախագահի 2011 թվականի սեպտեմբերի 3-ի հրամանագրով Հայաստանի Հանրապետության Անկախության տոնի առթիվ, դատական համակարգի զարգացման գործում ներդրած ավանդի համար Սերժիկ Ավետիսյանը պարգևատրվել է Մխիթար Գոշի մեդալով:

 

Հայ-ռուսական համալսարանի գիտական խորհրդի 2016 թվականի սեպտեմբերի 13-ի որոշմամբ պարգևատրվել է ոսկե մեդալով:

 

ՀՀ կրթության և գիտության նախարարի 2016 թվականի սեպտեմբերի 24-ի N 934-Ա/2 հրամանով Ս.Ավետիսյանը ընդգրկվել է «Արդյունավետ գիտաշխատող - 2016» մրցույթի շահառուների ցուցակում:

 

Հայաստանի Հանրապետության Նախագահի 2017 թվականի սեպտեմբերի 7-ի հրամանագրով Հայ-ռուսական համալսարանի հիմնադրման 20-ամյակի կապակցությամբ, իրավագիտության զարգացման և օրինականության ամրապնդման գործում ունեցած նշանակալի վաստակի համար շնորհվել է ՀՀ վաստակավոր իրավաբանի պատվավոր կոչում:

 

ՀՀ կրթության և գիտության նախարարի 2018 թվականի հունիսի 6-ի N 568-Ա/2 հրամանով Ս.Ավետիսյանը ընդգրկվել է «Արդյունավետ գիտաշխատող-2017» մրցույթի շահառուների ցուցակում:

 

Հեղինակ է 120 գիտական, ուսումնական, ուսումնամեթոդական աշխատանքների, այդ թվում 10 մենագրությունների, 5 դասագրքերի և ուսումնական ձեռնարկների, 90-ից ավելի գիտական հոդվածների և միջազգային զեկույցների, որոնք լույս են տեսել Երևանում, Մոսկվայում, Սանկտ Պետերբուրգում, Բուդապեշտում, Գերմանիայում, Լեռնային Ղարաբաղում: Համահեղինակ է նաև Սանկտ Պետերբուրգում առաջին անգամ 35 հատորով լույս տեսնող «Քրեական իրավունքի հանրագիտարանի»:

 

Հայաստանի Հանրապետության կառավարությանն առընթեր Բարձրագույն որակավորման հանձնաժողովի նախագահի 2011 թվականի դեկտեմբերի 28-ի հրամանով նշանակվել է Հայ-ռուսական համալսարանում գործող Հայաստանի Հանրապետության ԲՈՀ-ի իրավագիտության 063 մասնագիտական խորհրդի նախագահ:

 

ՀՀ կրթության, գիտության, մշակույթի և սպորտի նախարարի 2020 թվականի մարտի 6-ի թիվ 299-Ա/2 հրամանով, որպես ՀՀ վճռաբեկ դատարանի դատավոր ընդգրկվել է ՀՀ պետական բյուջեի հաշվին իրականացվող «Բարձր արդյունավետությամբ 100 գիտաշխատող-2018» մրցույթի շահառուների ցուցակում:

 

Կոնտակտային տվյալ

s.avetisyan@court.am                               

 

Սամվել Վլադիմիրի Օհանյան

image

Ծնվել է 1959 թվականին Երևան քաղաքում։

Կրթություն

1981 թվականին ավարտել է ԵՊՀ իրավաբանական ֆակուլտետը։

 

Աշխատանքային փորձ

1982 թվականից մինչև 1983 թվականն աշխատել է Կրասնոսելսկի շրջանի դատախազի ստաժոր-օգնական:

1983 թվականից մինչև 1986 թվականն աշխատել է ՀՍՍՀ Դատախազության տրանսպորտի դատախազությունում՝ որպես ստաժոր-քննիչ, ապա՝ որպես քննիչ։

1986 թվականից մինչև 1996 թվականն աշխատել է Երևան քաղաքի Օրջոնիկիձեի շրջանի դատախազի օգնական։

1996 թվականից մինչև 1999 թվականն աշխատել է Երևան քաղաքի Սպանդարյան շրջանի ժողդատարանում՝ որպես դատավոր։

1999 թվականից մինչև 2000 թվականն աշխատել է ՀՀ Քրեական և զինվորական գործերով վերաքննիչ դատարանի դատավոր։

2000 թվականից առ այսօր աշխատում է ՀՀ վճռաբեկ դատարանի քրեական պալատի դատավոր:

2014 թվականից ՀՀ արդարադատության խորհրդի անդամ է:

2023թ. հուլիսի 6-ին՝ Վճռաբեկ դատարանի կազմավորման 25-ամյակի կապակցությամբ, օրինականության և իրավակարգի ամրապնդման գործում ունեցած վաստակի համար Վճռաբեկ դատարանի քրեական պալատի դատավոր Սամվել Վլադիմիրի ՕՀԱՆՅԱՆԻՆ շնորհվել է Հայաստանի Հանրապետության վաստակավոր իրավաբանի պատվավոր կոչում:

 

Այլ տեղեկություններ

2008 թվականին ՀՀ Նախագահի կողմից պարգևատրվել է Մխիթար Գոշի մեդալով:

 

Կոնտակտային տվյալ

s.ohanyan@court.am

Դավիթ Մհերի Խաչատուրյան

image

Ծնվել է 1975 թվականին, քաղաք Երևանում:

Կրթություն

1997 թվականին ավարտել է Երևանի պետական համալսարանի իրավագիտության ֆակուլտետը՝ գերազանցության դիպլոմով, նույն թվականին՝ ընդունվել առկա ուսուցմամբ ասպիրանտուրա՝ Երևանի պետական համալսարանի իրավագիտության ֆակուլտետի քրեական դատավարության և կրիմինալիստիկայի ամբիոնում։

2000թ․ հոկտեմբերի 7-ին պաշտպանել է թեկնածուական թեզը՝ «Դատավորների անկախությունը Հայաստանի Հանրապետությունում․ դատարանակազմական և քրեադատավարական երաշխիքներ» թեմայով՝ ռուսերեն լեզվով (“Независимость судей в Республике Армения: судоустройственные и уголовно- процессуальные гарантии՛՛) և ստացել իրավաբանական գիտությունների թեկնածուի գիտական աստիճան։

Աշխատանքային փորձ

2000-2005 թվականներին աշխատել է ՀՀ դատարանների նախագահների խորհրդում (ԴՆԽ)՝ որպես ՀՀ Դատական ուսումնական կենտրոնի խորհրդատու, ապա՝ ԴՆԽ ավագ խորհրդատու, իրավական փորձաքննությունների վարչության ավագ մասնագետ: Համակարգել է միջազգային հարաբերություններին առնչվող հարցերը, նախաձեռնել և համակարգել է ՀՀ դատական համակարգի հակակոռուպցիոն ծրագրի կազմման և կատարման մշտադիտարկման, ինտերնետային էջի աշխատանքները։

2001-2002 թվականներին աշխատել է Տեղեկատվության ազատության կենտրոնի իրավաբան-փորձագետ:

2003-2006 թվականներին աշխատել է որպես Եվրոպական Միության (ԵՄ) կողմից ֆինանսավորվող և ՄԱԿ-ի կողմից իրականացվող Հարավային Կովկասում թմրամիջոցների դեմ պայքարի տարածաշրջանային ծրագրի Հայաստանում իրավական օժանդակության ծրագրի ղեկավար։

2006-2013 թվականներին աշխատել է Հայաստանում ԱՄՆ դեսպանատանը՝ 2006 թվականի ընթացքում՝ որպես ԱՄՆ Պետքարտուղարության Թմրամիջոցների դեմ պայքարի և իրավապահ համագործակցության բաժնի (U.S. INL Bureau) օգնական, իսկ 2007-2013 թվականներին՝ որպես ԱՄՆ Արդարադատության դեպարտամենտի (U.S. Department of Justice) իրավական հարցերով մասնագետ:

2014 թվականին (հունվար-դեկտեմբեր) աշխատել է որպես ՀՀ Արդարադատության ակադեմիայի պրոռեկտոր, դասախոս:

2015 թվականի հունիս ամսից մինչև 2016 թվականի դեկտեմբեր աշխատել է որպես Եվրոպայի Խորհրդի «Առողջապահության և մարդու իրավունքների պաշտպանության ամրապնդումը Հայաստանի բանտերում» ծրագրի իրավաբան փորձագետ:

2016 թվականին աշխատել է որպես ԵՄ «Զարգացման և ռազմավարական հետազոտություններ» ծրագրի դատական իշխանության և մարդու իրավունքների ոլորտային բարեփոխումների փորձագետ:

2015 թվականի նոյեմբեր ամսից մինչև 2017 թվականի դեկտեմբեր աշխատել է որպես ԵՄ «GSP+ համակարգի մշտադիտարկում» ծրագրի դատական իշխանության և իրավունքի գերակայության հարցերի փորձագետ:

2016 թվականից մինչ 2021 թվականի հունվար եղել է Փաստաբանների պալատի անդամ:

2021 թվականի հունվարի 22-ին Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ:

2023թ. հոկտեմբերի 30-ին  ՀՀ նախագահի՝  թիվ ՆՀ-341-Ա հրամանագրով նշանակվել է  Վճռաբեկ դատարանի քրեական պալատի դատավոր:

Այլ տեղեկություններ

2004 թվականին դասավանդել է Հայ-ռուսական (Սլավոնական) համալսարանում:

2014 թվականի ընթացքում Արդարադատության ակադեմիայում մշակել և դասավանդել է՝ «Մարդու իրավունքների Եվրոպական դատարանի (ՄԻԵԴ) իրավաբանության հիմունքներն ու արդի միտումները» (դատավորների և դատախազների թեկնածուների խմբեր), «ՄԻԵԴ նախադեպային իրավունքի արդի հարցերը քրեական գործերով» (գործող դատավորների և դատախազների և նրանց թեկնածուների խմբեր) և «Իրավունքի դատական զարգացման արդի հարցերը» (դատավորների թեկնածուների և գործող դատավորների խմբեր) դասընթացները:

Տարբեր տարիներին դասավանդել է ՀՀ դատախազության և ՀՀ Փաստաբանական դպրոցներում:

2013-2020 թվականներին ԵՊՀ քրեական դատավարության և կրիմինալիստիկայի ամբիոնում մշակել և դասավանդել է «Մարդու իրավունքների պաշտպանության եվրոպական չափորոշիչները քրեական դատավարությունում» և «Իրավաբանի մասնագիտական հմտություններ» դասընթացները (մագիստրատուրայի ուսումնական ծրագիր):

Հեղինակ է չորս մենագրության և երեսունից ավել գիտական հոդվածների:

Հիմնական աշխատանքներից են՝

«Դատավորի կարգավիճակը Հայաստանի Հանրապետությունում» (2002թ․, համահեղինակությամբ), «Տեղեկատվության ազատությունը Հայաստանի Հանրապետությունում․ ուղեցույց դատավորների, դատախազների, քննիչների և փաստաբանների համար» (2005թ․), «Քրեական գործը լրացուցիչ նախաքննության ուղարկելը» (2007թ․) գրքերը:

1997թ. տարկետում է ստացել արտադրությունից կտրված ասպիրանտուրայում սովորելու հիմքով, այնուհետև՝ «Զինապարտության մասին» ՀՀ օրենքի 12-րդ հոդվածի 1- ին կետի «ե» ենթակետի հիմքով, այն է՝ « «ե») գիտական աստիճան (գիտության թեկնածու կամ գիտության դոկտոր) ունեցող քաղաքացին, եթե նա զբաղվում է մասնագիտական, գիտական կամ մանկավարժական գործունեությամբ», փոփ. ընդ. 2000թ. հոկտեմբերի 11-ին), Զինվորական գրքույկ, տրվ. 20 դեկտեմբերի 2000թ.

Թարգմանչի մակարդակով տիրապետում է ռուսերեն և անգլերեն լեզուներին (պայմանագրային հիմունքներով իրավական թեմաներով 2015-2020թթ. համաժամանակյա թարգմանության ծառայություններ է մատուցել Եվրոպայի Խորհրդին, Հայաստանում ԱՄՆ դեսպանատանը, այլ կազմակերպություններին):

Մասնակցել է տասնյակ վերապատրաստումների, գիտական և գործնական համաժողովների, այդ թվում՝ 1)«Պաշտոնեական կոռուպցիայի քննությունն ու քրեական հետապնդումը» թեմայով վերապատրաստման դասընթացը ԱՄՆ Կենտրոնական և Արևելյան Եվրոպայի իրավական նախաձեռնության ինստիտուտում (CEELI Institute), 2019թ. ապրիլի 8-12, Պրահա, Չեխիա, 2)Պաշտպանության միջազգային կենտրոնի կողմից (Centre de la protection internationale) «Ռուսաստանի և ԱՊՀ երկրների իրավաբանների համար Մարդու իրավունքների միջազգային իրավունքի հարցերով» վերապատրաստման դասընթաց ,2017թ. հոկտեմբերի 15-21, Ստրասբուրգ, Ֆրանսիա, 3) ԵԽ «ՄԻԵԿ-ի և ՄԻԵԴ նախադեպային իրավունքի կիրառման ամրապնդումը» ծրագրի շրջանակներում ուսումնական այցը՝ 2014թ.:

Բացի այդ, որպես փորձագետ բազմիցս ներկայացրել է Հայաստանի դատաիրավական համակարգում առկա խնդիրները՝ Հայաստանի Հանրապետության կողմից ստանձնած միջազգային պարտավորությունների տեսակետից՝ հրապարակային ելույթներ ունենալով այնպիսի հեղինակավոր հարթակներում, ինչպիսիք են՝ ՄԱԿ-ի Խոշտանգումների դեմ կոմիտեի նիստը (2016թ., Ժնև, Շվեյցարիա), Միջազգային խաղաղության Կարնեգիի կենտրոնը (2011թ., Վաշինգտոն, ԱՄՆ), Հայաստանի կողմից Եվրոպական հարևանության քաղաքականության ներքո ստանձնած պարտավորությունների կատարմանը նվիրված խորհրդակցությունները ԵՄ տարբեր կառույցներում (2012-2013թթ., 2015-2017թթ., 2018թ., Բրյուսել, Բելգիա) և այլն:

Ամուսնացած է, ունի մեկ աղջիկ և մեկ տղա:

Հրապարակված հոդվածներից՝ 

Гносеологические основы оправдательного приговора как метод определения предмета судебного познания

Պետություն և իրավունք, N 2 (72), Երևան, 2016, էջեր 187-203

Համագործակցության վարույթ. իրավափիլիսոփայական հիմքերը, կիրառման շրջանակներն ու կարգը, արդյունավետության երաշխիքները և զարգացման հեռանկարները

Պետություն և իրավունք, N 2 (64), Երևան, 2014, էջեր 68-88

Ապացույցների թույլատրելիության վերաբերյալ Մարդու իրավունքների Եվրոպական դատարանի հիմնական նախադեպային դիրքորոշումները

«Մարդու իրավունքների Եվրոպական դատարանի լրատու», Հ-3, 2009, էջ 3-39

Предмет, стандарт и методы доказывания незаконного обогащения и предикатных к нему преступлений

XIII Державинские чтения в республике Мордовия Материалы Международной научнопрактической конференции (Саранск, 21 апреля 2017 г.), 130-147 էջեր

Կոնտակտային տվյալ.

d.khachaturyan@court.am