Հայաստանի Հանրապետության Դատական Իշխանություն

պաշտոնական կայք

Ծնվել է 1968 թվականին Երևան քաղաքում։

Կրթություն

1993 թվականին ավարտել է ԵՊՀ իրավաբանական ֆակուլտետը։

Աշխատանքային փորձ

1985 թվականից մինչև 1986 թվականն աշխատել է Մյասնիկյանի շրջանի ժողդատարանում՝ որպես ցրիչ։

1988 թվականից մինչև 1991 թվականն աշխատել է Մյասնիկյանի շրջանի ժողդատարանում՝ որպես թարգման։

1991 թվականից մինչև 1993 թվականն աշխատել է Մյասնիկյանի շրջանի ժողդատարանում՝ որպես դատական կատարածու։

1993 թվականից մինչև 1995 թվականն աշխատել է Մյասնիկյանի շրջանի Ներքին գործերի բաժնի քննչական բաժանմունքում՝ որպես քննիչ։

1995 թվականից մինչև 1996 թվականն աշխատել է ՀՀ արդարադատության նախարարության վիճակագրական խմբում՝ որպես առաջատար խորհրդատու։

1996 թվականից մինչև 1998 թվականն աշխատել է ՀՀ արդարադատության նախարարության դատական մարմինների վարչությունում՝ որպես առաջատար խորհրդատու։

1998 թվականից մինչև 1999 թվականն աշխատել է Արդարադատության խորհրդի աշխատակազմում՝ որպես գլխավոր մասնագետ։

1999 թվականից մինչև 2001 թվականն աշխատել է Երևան քաղաքի Մալաթիա-Սեբաստիա համայնքի առաջին ատյանի դատարանի դատավոր։

2001 թվականից մինչև 2003 թվականն աշխատել է ՀՀ քրեական և զինվորական գործերով վերաքննիչ դատարանի դատավոր։

2003 թվականից մինչև 2008 թվականն աշխատել է ՀՀ վճռաբեկ դատարանի քրեական պալատի դատավոր։

2008 թվականի հունվարի 1-ից մինչև 2009 թվականն աշխատել է ՀՀ վերաքննիչ քրեական դատարանի դատավոր:

2009 թվականի հունվարի 15-ին ՀՀ նախագահի հրամանագրով նշանակվել է ՀՀ վճռաբեկ դատարանի քրեական պալատի դատավոր։

Բարձրագույն դատական խորհրդի 2021 թվականի փետրվարի 15-ի ԲԴԽ-7-Ո-8 որոշմամբ ներկայացված առաջարկությամբ՝ ՀՀ նախագահի 2021 թվականի փետրվարի 18-ի հրամանագրով նշանակվել է ՀՀ վճռաբեկ դատարանի քրեական պալատի նախագահ՝ 6 տարի ժամկետով:

Այլ տեղեկություններ

1986 թվականից մինչև 1988 թվականը ծառայել է ԽՍՀՄ սահմանապահ զորքերում:

2009 թվականից դասավանդել է Դատական դպրոցում, 2014 թվականից՝ Արդարադատության ակադեմիայում,

2014 թվականի սեպտեմբերի 18-ին ՀՀ նախագահի հրամանագրով, Հայաստանի Հանրապետության Անկախության տոնի առթիվ, դատական համակարգի զարգացման գործում ներդրած ավանդի համար պարգևատրվել է Մխիթար Գոշի մեդալով:

2014 և 2017 թվականներին ՀՀ դատավորների ընդհանուր ժողովի կողմից ընտրվել է Արդարադատության ակադեմիայի կառավարման խորհրդի անդամ,

2017 թվականից դասավանդում է Փաստաբանական դպրոցում, 2020 թվականից Փաստաբանների պալատի որակավորման հանձնաժողովի անդամ է,

2018 թվականից Ներման հարցերի քննարկման խորհրդակցական հանձնաժողովի անդամ է:

2020 թվականի հուլիսի 31-ին ՀՀ դատավորների ընդհանուր ժողովի կողմից ընտրվել է Ուսումնական հարցերի հանձնաժողովի անդամ՝ 4 տարի ժամկետով:

2023թ. հուլիսի 6-ին՝ Վճռաբեկ դատարանի կազմավորման 25-ամյակի կապակցությամբ, օրինականության և իրավակարգի ամրապնդման գործում ունեցած վաստակի համար Հ. Ասատրյանին շնորհվել է Հայաստանի Հանրապետության վաստակավոր իրավաբանի պատվավոր կոչում:

Կոնտակտային տվյալ

h.asatryan@court.am

Ծնվել է 1967 թվականին Երևան քաղաքում։

Կրթություն

1991 թվականին ավարտել է ԵՊՀ-ի պատմության ֆակուլտետը գեազանցությամբ, 1996 թվականին՝ նույն համալսարանի իրավաբանական ֆակուլտետը։

Աշխատանքային փորձ

1991 թվականից մինչև 1993 թվականն աշխատել է ԵՊՀ-ի գիտահետազոտական մասում՝ որպես լաբորանտ, այնուհետև՝ կրտսեր գիտաշխատող։

1993 թվականից մինչև 1994 թվականն աշխատել է դատական կարգադրիչ։

1994 թվականից մինչև 1996 թվականն աշխատել է քրեական գործերի դատական կոլեգիայի դատական նիստերի քարտուղար։

1996 թվականից մինչև 1999 թվականն աշխատել է կատարման բաժնի ավագ տեսուչ։

1999 թվականից մինչև 2002 թվականն աշխատել է ՀՀ վճռաբեկ դատարանի քաղաքացիական և տնտեսական գործերով պալատում՝ որպես դատավորի օգնական։

2002 թվականից մինչև 2003 թվականն աշխատել է Գեղարքունիքի մարզի առաջին ատյանի դատարանում՝ որպես դատավոր։

2003 թվականից առ այսօր աշխատում է ՀՀ վերաքննիչ քրեական դատարանում՝ որպես դատավոր:

Այլ տեղեկություններ

1986 թվականից մինչև 1988 թվականը ծառայել է բանակում։

Ամուսնացած է, ունի երկու երեխա:

Կոնտակտային տվյալ

a.danielyan@court.am

Ծնվել է 1964 թվականին քաղաք Կիրովաբադ քաղաքում։

Կրթություն

1992 թվականին ավարտել է Ուկրաինայի Ներքին գործերի ակադեմիան։

Աշխատանքային փորձ

1992 թվականից մինչև 1995 թվականն աշխատել է Գերագույն խորհուրդում՝ որպես գ‎լխավոր փորձագետ։

1995 թվականից մինչև 1999 թվականն աշխատել է ՀՀ Ազգային ժողովում՝ որպես խորհրդատու։

1999 թվականից մինչև 2001 թվականն աշխատել է Կոտայքի մարզի Առաջին ատյանի դատարանում՝ որպես դատավոր։

2001 թվականից մինչև 2009 թվականն աշխատել է ՀՀ վերաքննիչ քրեական դատարանի դատավոր:

2009 թվականի հունվարի 15-ին ՀՀ Նախագահի հրամանագրով նշանակվել է ՀՀ վճռաբեկ դատարանի քրեական պալատի դատավոր:

2023թ. հուլիսի 6-ին՝ Վճռաբեկ դատարանի կազմավորման 25-ամյակի կապակցությամբ, իրավակարգի ու օրինականության ամրապնդման և դատական իշխանության զարգացման գործում ներդրած ավանդի համար  պարգևատրվել է Մխիթար Գոշի մեդալով:

Կոնտակտային տվյալ

a.poghosyan@court.am

Ծնվել է 1966 թվականին, Տաշիրի շրջանում։

Կրթություն

1983 թվականին ընդունվել է Երևանի պետական համալսարանի մեխանիկա-մաթեմատիկական ֆակուլտետ:

1986 թվականին ընդունվել է ԽՍՀՄ-ի Պաշտպանության նախարարության Կարմրադրոշ ռազմական ինստիտուտի ռազմաիրավաբանական ֆակուլտետ (ք. Մոսկվա), և 1991 թվականին գերազանցությամբ ավարտել է:

2005 թվականի մարտի 31-ին ՌԴ Արդարադատության նախարարության Ռուսաստանյան իրավական ակադեմիայի մասնագիտական խորհրդում, քրեական իրավունքի բնագավառում պաշտպանել է դոկտորական թեզը, ունի Ռուսաստանի և Հայաստանի իրավաբանական գիտությունների դոկտորի գիտական աստիճան:

Հայաստանի Հանրապետության կառավարությանն առընթեր Բարձրագույն որակավորման հանձնաժողովի 2008 թվականի հունիսի 26-ի որոշմամբ շնորհվել է պրոֆեսորի գիտական կոչում` «իրավաբանություն» մասնագիտությամբ:

Հայ-ռուսական համալսարանի գիտական խորհրդի 2011 թվականի սեպտեմբերի 6-ի որոշմամբ շնորհվել է «համալսարանի վաստակավոր պրոֆեսորի կոչում»:

Աշխատանքային փորձ

ԽՍՀՄ Նախագահի 1991 թվականի օգոստոսի 4-ի հրամանագրով նշանակվել է Անդրկովկասյան օկրուգի Հայաստանում տեղակայված 7-րդ բանակի 59-րդ զինվորական տրիբունալի դատավոր:

1995 թվականի ապրիլի 26-ին Հայաստանի Գերագույն Խորհրդի կողմից ընտրվել է Գերագույն դատարանի զինվորական գործերի դատական կոլեգիայի դատավոր:

Հայաստանի Հանրապետության Նախագահի 1997 թվականի օգոստոսի 15-ի հրամանագրով նշանակվել է Գերագույն դատարանի զինվորական գործերի դատական կոլեգիայի նախագահ` Հայաստանի Հանրապետության գերագույն դատարանի նախագահի տեղակալ, 1997 թվականի դեկտեմբերի 18-ի հրամանագրով՝ նաև Գերագույն դատարանի նախագահության անդամ:

Հայաստանի Հանրապետության գերագույն դատարանի լուծարման կապակցությամբ 1998 թվականի օգոստոսից կատարել է Հայաստանի Հանրապետության արդարադատության նախարարության վերահսկողական ծառայության պետի ժամանակավոր պարտականությունները:

Հայաստանի Հանրապետության Նախագահի 1999 թվականի հունվարի 5-ի հրամանագրով նշանակվել է Հայաստանի Հանրապետության վերաքննիչ քրեական և զինվորական գործերով դատարանի դատավոր:

Հայաստանի Հանրապետության Նախագահի 2012 թվականի հունիսի 20-ի հրամանագրով նշանակվել է Հայաստանի Հանրապետության վճռաբեկ դատարանի քրեական պալատի դատավոր։

2016 թվականից մինչև 2018 թվականը զբաղեցրել է Հայաստանի Հանրապետության վճռաբեկ դատարանի քրեական պալատի նախագահի պաշտոնը, այժմ նույն դատարանում պաշտոնավարում է որպես դատավոր։

1999 թվականից մինչև 2004 թվականն եղել է Հայաստանի Հանրապետության արդարադատության խորհրդի անդամ:

1995 թվականից զբաղվում է գիտամանկավարժական գործունեությամբ: Դասավանդել է Երևանի պետական համալսարանում, Կառավարման ակադեմիայում և այլ բուհերում: 2004 թվականից դասավանդում է Հայ-ռուսական համալսարանում:

1998 թվականին Երևանի պետական համալսարանում պաշտպանել է թեկնածուական թեզ` կապված Հայաստանի քրեական իրավունքի զինվորական ասպեկտների համալիր հետազոտման և նոր զինվորական հանցագործությունների տեսական մոդելի մշակման ու ներկայացման հետ:

2016 թվականին նշանակվել է «Կրիմինալիստների և կրիմինոլոգների միություն» տարածաշրջանային հասարակական կազմակերպության Հայաստանի ներկայացուցչության նախագահ:

Այլ տեղեկություններ

Առաջին կուրսն ավարտելուց հետո 1984 թվականին զորակոչվել է ժամկետային զինվորական ծառայության:

1993 թվականից զինվորական ծառայությունը շարունակել է Հայաստանի Հանրապետության պաշտպանության նախարարության պայմանագրերի և արտաքին հարաբերությունների վարչությունում՝ որպես խմբի սպա, ավագ սպա, բաժանմունքի պետ (ունի պահեստի արդարադատության փոխգնդապետի զինվորական կոչում):

Հայաստանի Հանրապետության Նախագահի 2011 թվականի սեպտեմբերի 3-ի հրամանագրով Հայաստանի Հանրապետության Անկախության տոնի առթիվ, դատական համակարգի զարգացման գործում ներդրած ավանդի համար Սերժիկ Ավետիսյանը պարգևատրվել է Մխիթար Գոշի մեդալով:

Հայ-ռուսական համալսարանի գիտական խորհրդի 2016 թվականի սեպտեմբերի 13-ի որոշմամբ պարգևատրվել է ոսկե մեդալով:

ՀՀ կրթության և գիտության նախարարի 2016 թվականի սեպտեմբերի 24-ի N 934-Ա/2 հրամանով Ս.Ավետիսյանը ընդգրկվել է «Արդյունավետ գիտաշխատող - 2016» մրցույթի շահառուների ցուցակում:

Հայաստանի Հանրապետության Նախագահի 2017 թվականի սեպտեմբերի 7-ի հրամանագրով Հայ-ռուսական համալսարանի հիմնադրման 20-ամյակի կապակցությամբ, իրավագիտության զարգացման և օրինականության ամրապնդման գործում ունեցած նշանակալի վաստակի համար շնորհվել է ՀՀ վաստակավոր իրավաբանի պատվավոր կոչում:

ՀՀ կրթության և գիտության նախարարի 2018 թվականի հունիսի 6-ի N 568-Ա/2 հրամանով Ս.Ավետիսյանը ընդգրկվել է «Արդյունավետ գիտաշխատող-2017» մրցույթի շահառուների ցուցակում:

Հեղինակ է 120 գիտական, ուսումնական, ուսումնամեթոդական աշխատանքների, այդ թվում 10 մենագրությունների, 5 դասագրքերի և ուսումնական ձեռնարկների, 90-ից ավելի գիտական հոդվածների և միջազգային զեկույցների, որոնք լույս են տեսել Երևանում, Մոսկվայում, Սանկտ Պետերբուրգում, Բուդապեշտում, Գերմանիայում, Լեռնային Ղարաբաղում: Համահեղինակ է նաև Սանկտ Պետերբուրգում առաջին անգամ 35 հատորով լույս տեսնող «Քրեական իրավունքի հանրագիտարանի»:

Հայաստանի Հանրապետության կառավարությանն առընթեր Բարձրագույն որակավորման հանձնաժողովի նախագահի 2011 թվականի դեկտեմբերի 28-ի հրամանով նշանակվել է Հայ-ռուսական համալսարանում գործող Հայաստանի Հանրապետության ԲՈՀ-ի իրավագիտության 063 մասնագիտական խորհրդի նախագահ:

ՀՀ կրթության, գիտության, մշակույթի և սպորտի նախարարի 2020 թվականի մարտի 6-ի թիվ 299-Ա/2 հրամանով, որպես ՀՀ վճռաբեկ դատարանի դատավոր ընդգրկվել է ՀՀ պետական բյուջեի հաշվին իրականացվող «Բարձր արդյունավետությամբ 100 գիտաշխատող-2018» մրցույթի շահառուների ցուցակում:

Կոնտակտային տվյալ

s.avetisyan@court.am                               

Ծնվել է 1976 թվականին՝  Երևան քաղաքում։

ԿՐԹՈՒԹՅՈւՆ.

1993թ. ավարտել է Երևան քաղաքի Ա.Բլոկի անվան № 122 ռուսական ﬕջնակարգ դպրոցը:

1997 – 2001թթ.  սովորել և էքստեռն եղանակով գերազանցությամբ՝ ոսկե մեդալով, ավարտել է ՌԴ ՊՆ ռազմական համալսարանի հատուկ ֆակուլտետի դատախազաքննչական բաժինը:

2006 – 2009թթ. սովորել է ՌԴ ՊՆ ռազմական համալսարանի ադյունկտուրայում, պաշտպանել թեկնածուական ատենախոսություն, շնորհվել է իրավաբանական գիտությունների թեկնածուի գիտական աստիճան։

2013թ. ընդունվել է ՌԴ ՊՆ ռազմական համալսարանի հեռակա ուսուցմամբ դոկտորանտուրա, որտեղ պատրաստել  և  2017թ․ հաջողությամբ իրականացրել է դոկտորական  ատենախոսության նախապաշտպանությունը։

2021թ․ Հայաստանի Հանրապետության Հայ – ռուսական (Սլավոնական) համալսարանի գիտական խորհրդում պաշտպանել է դոկտորական ատենախոսություն, շնորհվել է իրավաբանական գիտությունների դոկտորի գիտական աստիճան։

ԱՇԽԱՏԱՆՔԱՅԻՆ ԳՈՐԾՈւՆԵՈւԹՅՈւՆ․

2001 – 2024թթ․ աշխատել է Հայաստանի Հանրապետության դատախազության, պաշտպանության նախարարության քննչական ծառայության, քննչական կոմիտեի  և դատական համակարգերում,  
2001 – 2006թթ. ՀՀ զինվորական դատախազության Երևանի, Հադրութի և Մարտակերտի կայազորներում՝ նախ որպես քննիչ-ստաժոր, ապա՝ քննիչ, այնուհետև՝ ավագ քննիչ, շուրջ 2 տարի ընդգրկված է եղել ՀՀ զինվորական դատախազության հատկապես կարևոր գործերով քննության բաժնի տարբեր քննչական խմբերում,  
2009 – 2010թթ․ ՀՀ ՊՆ քննչական ծառայության վերահսկողության, ﬔթոդիկայի և վերլուծության բաժնի ավագ քննիչ,  
2010 – 2011թթ․ ՀՀ ՊՆ քննչական ծառայության 2-րդ (Հադրութի) կայազորային քննչական բաժնի պետ (ՀՀ ՊՆ № 55292 զորամասի հրամանատար),  
2011 – 2014թթ․ ՀՀ ՊՆ քննչական ծառայության պետի տեղակալ, համակարգել է Ստեփանակերտի, Հադրութի, Մարտակերտի, իսկ հետագայում նաև Եղեգնաձորի և Գորիսի կայազորային քննչական բաժինների գործունեությունը (ՀՀ ՊՆ № 55555 զորամասի հրամանատարի տեղակալ),  
2014 – 2015թթ․ ՀՀ քննչական  կոﬕտեի զինվորական քննչական գլխավոր վարչության պետի տեղակալ,  
2015 – 2018թթ. ՀՀ քննչական կոﬕտեի նախագահի տեղակալ- զինվորական քննչական գլխավոր վարչության պետ,  
2018 – 2021թթ.  ՀՀ քննչական կոﬕտեի նախագահ,  
2022 – 2024թթ․  ՀՀ բարձրագույն դատական խորհրդի գիտնական անդամ,  
2024թ․ ՀՀ Ազգային Ժողովի կողմից ընտրվել է ՀՀ Վճռաբեկ դատարանի քրեական պալատի դատավոր։

ԱՅԼ ՏԵՂԵԿԱՏՎՈւԹՅՈւՆ.

Հանդիսանում է արդարադատության երրորդ դասի պետական խորհրդական և պատվավոր քննիչ:

1994 -1996թթ․ ծառայել է ՀՀ զինված ուժերում:

2017- 201թթ․ հանդիսացել է ՀՀ քննչական կոմիտեի որակավորման հանձնաժողովի նախագահ։

2006թ․ հունիսի 15-ին ՀՀ գլխավոր դատախազի № 230 հրամանով, ոչ ակներևության պայմաններում շատերի կյանքի համար վտանգավոր եղանակով կատարած երկու դիտավորյալ սպանությունների բացահայտման համար, խրախուսման կարգով, շնորհվել է առաջին դասի իրավաբանի դասային աստիճան:

Աշխատանքային գործունեության ընթացքում ծառայողական պարտականությունները բարեխղճորեն կատարելու համար բազմիցս պարգևատրվել է, այդ թվում՝ 22 ﬔդալով, 1 պետական պարգևով, 4 կրծքանշանով, 4 հուշաﬔդալով:

Հեղինակ է 50-ից ավելի գիտական աշխատությունների՝ հրապարակված ներպետական և միջազգային ամսագրերում, այդ թվում՝ 3 ﬔնագրությունների, որոնք վերաբերում են քրեական և ﬕջազգային   իրավունքի, քրեական դատավարության և քրեագիտության արդի հիﬓահարցերին։

 Հայ-ռուսական (Սլավոնական) համալսարանում գործող 063 իրավագիտության մասնագիտական խորհրդի անդամ է ԺԲ 00․06- «Միջազգային իրավունք» մասնագիտությամբ։

Տիրապետում է հայերեն, անգլերեն և ռուսերեն լեզուների։