Նորություններ

RSS
image

18.10.2021

ԲԴԽ-ում կայացավ դատավոր Սեգեյ Մարաբյանի գործով նիստը

Հոկտեմբերի 18-ին ԲԴԽ-ում շարունակվեց Վերաքննիչ քրեական դատարանի դատավոր Սերգեյ Մարաբյանին կարգապահական պատասխանատվության ենթարկելու հարցի վերաբերյալ միջնորդության քննությունը:

Նիստի մեկնարկին Խորհուրդը հայտարարեց, որ հետաձգում է դատավոր Մարաբյանի՝ նախկինում ներկայացրած միջնորդության քննությունը՝ գործի վարույթը կարճելու վերաբերյալ:

Սերգեյ Մարաբյանը հանդես եկավ մեկ այլ միջնորդությամբ՝ իրեն կարգապահական պատասխանատվության ենթարկելու գործով վարույթը կասեցնելու և Սահմանադրական դատարան դիմելու վերաբերյալ։

Ըստ դատավորի՝ «Դատական օրենսգիրք» սահմանադրական օրենքի 142-րդ հոդվածի 1-ին մասի 1-ին կետը, որը սահմանում է դատավորին կարգապահական պատասխանատվության ենթարկելու հիմքերը, հակասում է Սահմանադրության 162-րդ հոդվածի 2-րդ մասին և 164-րդ հոդվածի 2-րդ մասին։

Խորհուրդը որոշեց ժամանակ տալ Արդարադատության նախարարության ներկայացուցիչներին այս միջնորդության վերաբերյալ դիրքորոշում հայտնելու համար:

Դատավորը հանդես եկավ մեկ այլ միջնորդությամբ ևս. Մարաբյանը գտնում է, որ դատավորների նկատմամբ Արդարադատության նախարարության կողմից վարույթներ հարուցելու հնարավորությունը ևս Սահմանադրությանը հակասում է և այս հարցով էլ ԲԴԽ-ն պետք է դիմի Սահմանադրական դատարան:

Բացի այդ՝ Արդարադատության նախարարության կողմից ներկայացված՝ դատավորի նկատմամբ կարգապահական վարույթ հարուցելու հարցի վերաբերյալ կարծիք հայտնելու համար դատավոր Սերգեյ Մարաբյանը ժամանակ խնդրեց:

 

Խորհուրդը որոշեց  նիստը հետաձգել և նշանակել հոկտեմբերի 21-ին՝ ժամը 14:00-ին:

image

13.10.2021

Հանդիպում IRZ «Արդարադատության համակարգի ամրապնդում» ծրագրի ներկայացուցիչների հետ

Այսօր` հոկտեմբերի 13-ին, Բարձրագույն դատական խորհրդի նախագահի պաշտոնակատար Գագիկ Ջհանգիրյանն ու ԲԴԽ անդամ Դավիթ Խաչատուրյանն ընդունել են Հայաստանում IRZ «Արդարադատության համակարգի ամրապնդում» ծրագրի շրջանակներում Հայաստան ժամանած Լատվիայի՝ Ռիգայի շրջանային դատարանի դատավոր Սվետլանա Բելյայեվային, ինչպես նաև IRZ « Արդարադատության համակարգի ամրապնդում» ծրագրի ղեկավարի տեղակալ Արման Զրվանդյանին:

Խորհրդի նախագահի պաշտոնակատարը, ողջունելով հյուրերին, նշեց, որ ԲԴԽ-ի և IRZ-ի համագործակցությունը բավականին կարևոր է դատական համակարգում բարեփոխումներ իրականացնելու հարցում:

Հանդիպման ընթացքում քննարկվեցին դատարանների և դատական գործերի կառավարման համակարգերի հիմնախնդիրները, դատավորների ծանրաբեռնվածությանը և դատական գործերի քննության ողջամիտ ժամկետներին առնչվող հարցեր:

Կողմերը պայմանավորվեցին համագործակցել առկա խնդիրներին արդյունավետ լուծումներ գտնելու ուղղությամբ:

image

12.10.2021

Ցավակցական հեռագիր

ՀՀ Բարձրագույն դատական խորհուրդը և Դատական դեպարտամենտի ողջ անձնակազմն իրենց խորին ցավակցությունն են հայտնում Երևան քաղաքի Առաջին ատյանի ընդհանուր իրավասության դատարանի դատավոր Վահե Միսակյանի հոր՝ Ներսես Միսակյանի մահվան կապակցությամբ:

Միսակյանների ընտանիքին, հարազատներին և ընկերներին մաղթում ենք համբերություն և տոկունություն՝ հաղթահարելու կորստի ծանրությունը:

image

12.10.2021

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆՈՒՄ ԱՌԿԱ Է ՔԱՂԱՔԱՑԻԱԿԱՆ ՄԱՍՆԱԳԻՏԱՑՄԱՆ ԴԱՏԱՎՈՐԻ 1 ԹԱՓՈՒՐ ՀԱՍՏԻՔ

Հ Ա Յ Տ Ա Ր Ա Ր Ո Ւ Թ Յ Ո Ւ Ն


Քաղաքացիական մասնագիտացում ունեցող դատավորների տեղափոխման հնարավորության վերաբերյալ

 

Տեղեկացնում ենք, որ Երևան քաղաքի առաջին ատյանի ընդհանուր իրավասության դատարանում առկա է քաղաքացիական մասնագիտացման դատավորի 1 թափուր հաստիք:

Համապատասխան մասնագիտացում ունեցող առաջին ատյանի դատարանների դատավորները կարող են «Հայաստանի Հանրապետության դատական օրենսգիրք» սահմանադրական օրենքով սահմանված կարգով և ժամկետներում տեղափոխման դիմում ներկայացնել նշված թափուր տեղում նշանակվելու համար՝ իրենց թեկնածությունը քննարկելու նպատակով:

 

                 Ծանոթություն: Դիմումները կարող են ներկայացվել ս/թ հոկտեմբերի 15ներառյալ:

 

                                                                                                                                                                             Բարձրագույն դատական խորհուրդ